Stoke City sendi frá sér fréttatilkynningu í kvöld þar sem kom fram að Mark Hughes væri búinn að missa starfið sem knattspyrnustjóri liðsins.
Það hefur lítið sem ekkert gengið upp hjá Stoke City síðustu vikur og því koma þessar fréttir ekki mikið á óvart.
Stoke tapaði í dag gegn fjórðu deildarliði Coventry, 2-1 í enska bikarnum. Það þótti alveg ljóst eftir að flautað hafði verið til leiks loka í dag að Hughes hefði verið að stjórna Stoke í síðasta skipti.
Mark Hughes tók við Stoke í lok maí 2013, eftir að Tony Pulis hafði verið rekinn frá Stoke.
Athugasemdir
